المشهد الاول
وحدة مزيونة بالحيل.......و حبيبة ...
بس تخون!!!!
وش اسوي بجمالها؟؟
بياخذها الزمان و تبقى عجوز.....
~*¤ô§ô¤*~عادي........طاح الحطب.......... و حلوة الحياة ~*¤ô§ô¤*~
المشهد الثاني
ملتزم .........
يصلي كل الفروض........
و اذا تعب..... فوت صلاة الفجر
واذا شبع راحت صلاة العصر......
و عنده دش.......و يكذب كثير
و اذا صحى الصبح ......مشط الراس
[size=21]~*¤ô§ô¤*~عادي........طاح الحطب.......... و حلوة الحياة ~*¤ô§ô¤*~
المشهد الثالث
غني و ظالم .........
يطرد المساكين......و يستغل الضعوف
مغرور و فاسق......
و مجلسه عامر.......
كلن يبهر له........
و مع ذلك يجمع حسنات.......من كثر اللي يسبونه
~*¤ô§ô¤*~عادي........طاح الحطب.......... و حلوة الحياة ~*¤ô§ô¤*~
المشهد الرابع
يكد يدرس و يشتغل.........
لاجل يبني مستقبله.......
تزوج و جاب عيال......ثم تقاعد
صار يسكن في مكان.....و أم عياله في مكان
والسبب العيال......
صار دار المسنين بيتهم............
~*¤ô§ô¤*~عادي........طاح الحطب.......... و حلوة الحياة ~*¤ô§ô¤*~
المشهد الخامس
تغازل و تاخذ ارقام...........
و تطلع مع هذا.....و تواعد هذاك........
و يوم طاح الفاس في الراس.......
بكت........
و راحت تشكي لامها غدر الزمان.......
طبطبت عليها امها وقالت:
ولا يهمك ......سفرة لمصر.... وشوية سيولة
و ترجعين بنت......
~*¤ô§ô¤*~عادي........طاح الحطب.......... و حلوة الحياة ~*¤ô§ô¤*~
المشهد السادس
مرفوع الكفن أبيض .......
وصاحبه وسط البياض.........
بعضهم يبكي.......و بعضهم عادي
دفنوه.....و تبكبكوا شوي
و اخر الليل سكارى.........
~*¤ô§ô¤*~عادي........طاح الحطب.......... و حلوة الحياة ~*¤ô§ô¤*~
المشهد السابع
سيارة مسرعة........
و تدعس لها واحد........
مسكين هندي..........
و العسكري صديق الطايش.......
والخطا نصه على الهندي......
والباقي على أبو الطايش..........
و في الليل.....الطايش يلعب بلوت
~*¤ô§ô¤*~عادي........طاح الحطب.......... و حلوة الحياة ~*¤ô§ô¤*~
المشهد الثامن
قارورة مويه ......
ما تضره .......طايحة في السيارة
يناظرها بغضب.......زعلان منها
و يفتح الشباك .....و رماها وسط الطريق
واذا اجتمع مع الشباب قال:
متى بنتحضر؟؟؟؟؟؟
~*¤ô§ô¤*~عادي........طاح الحطب.......... و حلوة الحياة ~*¤ô§ô¤*~
المشهد التاسع
اهم شي الثوب نظيف.......و الشماغ مكوي......
و القلم ماركة......والساعة تضوي......
و الجزمة جلد.......والسيارة عجب......
و تلفونه ما يسكت......
إما بنات.....
أو البنوك تبي فلوسها.......
~*¤ô§ô¤*~عادي........طاح الحطب.......... و حلوة الحياة ~*¤ô§ô¤*~
المشهد العاشر
سطحية .........و مغرورة
غبية......و متكبرة......و يا ريتها حلوة
تبي زوج مواصفات......
ما يقول لا.......ويكره الاستراحات
لازم وسيم.....و انيق.....و متعلم.....و دخله ممتاز
و يحب السفر.........
و بعد سنين......تلاقي نفسها في الانترنت
تدور واحد يقبل بها.......
~*¤ô§ô¤*~عادي........طاح الحطب.......... و حلوة الحياة ~*¤ô§ô¤*~
المشهد الحادي عشر
فتح الكمبيوتر......
و دخل للمنتدى......و كلامه ما يتعدى ان الموضوع روعة و رهيب
و هو ما قراه و لا يعرف كاتبه........
بس يبي يزيد المواضيع موضوع .........
ويزيد همومنا هم.........
علشان يصير صاحب الألف موضوع......
و يتميز........
والمشكلة انه يتميز...........
~*¤ô§ô¤*~عادي........طاح الحطب.......... و حلوة الحياة ~*¤ô§ô¤*~
المشهد الأخير
الكذب اثم.........ومع ذلك نستخدمه
و ندري ان هذا حرام........و مع ذلك نجربه
نتذكر السهرة و الفرح و السفر.......
و ننسى الجالسين على كتوفنا.........
و نتناسى ان معهم كتاب يسجل افعالنا و نياتنا.......
كل شي محسوب.......
حتى النظر......
نسينا ان ورانا يوم......علاماته قربت
ومع ذلك كلنا ناسين.......
أن بقيت على حالك تتناسى..........لازم تعرف
إن ذاك اليوم مهوب ...عادي
وأنت... الحطب
و ما به... حياة
[/size]
